Израелскиот премиер Бенјамин Нетанјаху во неделата нареди засилување на воените операции на целиот окупиран Западен Брег, по нападот во близина на населбата Неве Цуф, северозападно од Рамалах, во кој едно лице загина.
Израелската војска соопшти дека е уапсен Палестинец осомничен за нападот.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
Нетанјаху порача дека израелските сили ќе ги гонат сите лица за кои ќе биде утврдено дека учествувале во нападите врз Израелци. Тој истакна дека одговорност ќе се бара од нив на повеќе места, меѓу кои и на Западниот Брег, кој го нарече со библиското име Јудеја и Самарија.
Премиерот потврди дека им наредил на војската и безбедносната служба Шин Бет да распоредат дополнителни сили, да воспостават блокади и да спроведуваат офанзивни операции и апсења на Западниот Брег.
Нетанјаху истовремено наредил веднаш да започне уривањето на домот на Палестинецот осомничен за пукањето.
Од почетокот на војната во Газа во октомври 2023 година, на Западниот Брег се засилени израелските воени операции и нападите од доселеници врз Палестинци и нивниот имот. Тие вклучуваат убиства, апсења, уривање домови и проширување на израелските населби.
