Нетанјаху со предупредување пред изборите: „Нашите непријатели ќе се обидат да нè нападнат“

Израелскиот премиер Бенјамин Нетанјаху предупреди дека постојат индикации оти „непријателите“ би можеле да се обидат да извршат напад врз Израел во пресрет на изборите закажани за 27 октомври.

— реклама —

Нетанјаху ова го кажал во видеообраќање снимено за време на неговата посета на воздухопловната база Тел Ноф, од каде што испратил порака до потенцијалните противници на Израел.

— реклама —

„Имаме индикации дека во пресрет на изборите нашите непријатели ќе се обидат да нè нападнат“, рекол Нетанјаху, пренесува „Тајмс оф Израел“.

Тој посочил дека од базата, која ја опишал како „испружена рака на Израел“, сака да испрати јасна порака.

— реклама —

„Не нè допирајте – ниту сега, ниту кога било. Нашата испружена рака ќе ве стигне каде и кога и да сте“, истакнал израелскиот премиер.

Нетанјаху не навел на кого конкретно се однесува предупредувањето, ниту изнел дополнителни детали за наводните индикации за можен напад.