Нетанјаху: Иранскиот врховен лидер Моџтаба Хамнеи е жив и се крие

Израелскиот премиер Бенјамин Нетанјаху изјави дека верува оти иранскиот врховен лидер Моџтаба Хамнеи е жив.

Моџтаба Хамнеи не се појавил во јавноста откако го наследи својот татко Али Хамнеи, кој беше убиен во американско-израелските воздушни напади на почетокот на војната, што предизвика бројни шпекулации за неговата состојба.

— реклама —

Според претходни информации, новиот врховен лидер наводно бил тешко ранет во нападот во кој загинале уште пет членови на неговото семејство.

Во интервју за емисијата „60 минути“ на телевизијата Си-Би-Ес, Нетанјаху изјави:

— реклама —

„Мислам дека Моџтаба Хамнеи е жив. Во каква состојба е, тешко е да се каже.“

— реклама —

Тој додаде дека Хамнеи се крие.

„Се крие во некој бункер или на тајна локација и се обидува да го задржи својот авторитет. Мислам дека го нема истиот авторитет што го имаше неговиот татко“, изјави израелскиот премиер.

— реклама —

Иранската агенција „Фарс“ вчера објави дека Хамнеи се сретнал со еден воен командант и дал „нови насоки за продолжување на операциите и решително спротивставување на непријателите“.

Агенцијата не објави дополнителни детали.