Невреме ја погоди Словенија: Свлечишта, оштетени мостови и поплавени домови

Силно невреме, проследено со обилни врнежи, предизвика голема материјална штета во словенечката општина Жетале, која се наоѓа во областа Халозе.

— реклама —

Градоначалникот на Жетале, Матјаж Копше, изјави дека во текот на ноќта биле активирани околу 50 свлечишта, а според првичните информации, оштетени се два државни и еден општински мост, како и делови од патната инфраструктура.

— реклама —

Тој посочи дека поплавени биле и повеќе станбени и деловни објекти.

— реклама —

Надлежните служби, цивилната заштита, противпожарните единици, екипите за одржување на патиштата и општинската администрација веќе се на терен и спроведуваат итни мерки за обезбедување на безбедноста на населението и обновување на сообраќајните врски, пренесува словенечката агенција СТА.

— реклама —

Од Општина Жетале упатија апел до граѓаните да бидат особено внимателни во подрачјата погодени од свлечишта, оштетени патишта и надојдени водотеци, како и да ги почитуваат сите одлуки за затворање на сообраќајниците и упатствата на надлежните служби.