Невреме со дожд и грмежи попладне и во текот на ноќта, следуваат посвежи денови

Променливо облачно време со повремени локални врнежи од дожд нè очекува денеска, особено во попладневните часови и во текот на ноќта. На одделни места врнежите ќе бидат поројни и проследени со грмежи, информираат од Управата за хидрометеоролошки работи.

— реклама —

Во одделни котлини ќе има услови за појава на утринска магла, а ќе дува слаб до умерен ветер од јужен правец.

Минималната температура ќе се движи од 8 до 13 степени, додека максималната ќе достигне од 19 до 24 степени.

— реклама —

Во Скопје времето ќе биде променливо облачно, со повремени врнежи од дожд во попладневните часови и во текот на ноќта. Во делови од Скопската Котлина се очекуваат поројни врнежи проследени со грмежи. Ќе дува слаб до умерен ветер од променлив правец, а температурата ќе се движи од минимални 11 до максимални 22 степени.

— реклама —

Во петок, во утринските часови, ќе има повремен локален дожд, а во текот на денот ќе дува умерен до засилен ветер од северен правец.

Во сабота се очекува стабилно време, додека од недела и во деновите потоа ќе преовладува променливо облачно и посвежо време, со повремени локални врнежи од дожд.

Променливите временски услови ќе продолжат и во наредниот период, па се препорачува граѓаните да ги приспособат своите активности на временската прогноза.