Променливо облачно време со повремени врнежи од дожд и локални грмежи се очекува денеска низ земјава, а на повеќе места временските процеси ќе бидат поинтензивни и ќе преминат во невреме.
Според прогнозата, локално се очекува пообилен пороен дожд, со количина до 20 литри на квадратен метар, електрични празнења, засилен ветер и појава на град. Утринските температури ќе се движат од 9 до 16 степени, додека дневните ќе достигнат од 21 до 29 степени Целзиусови.
Во Скопје ќе преовладува променливо облачно време со повремени врнежи од дожд. Во одделни делови од котлината се очекуваат поинтензивни атмосферски процеси проследени со пороен дожд, грмежи, силен ветер и изолирана појава на град. Температурата ќе се движи од 14 до 27 степени.
Метеоролозите најавуваат дека и во следните денови ќе се задржи променливо облачно време со сончеви периоди. Сепак, во сабота и понеделник повторно се очекува дестабилизација на времето со пообилни врнежи, грмежи, засилен ветер и услови за локално невреме.
