Никезиќ до Вучиќ: Вие сте претседател само на Ќациленд

Душан Никезиќ, потпретседател на партијата Странка на слобода и правда и пратеник, му упати отворено писмо на претседателот на Србија, Александар Вучиќ. Тој го обвинува Вучиќ дека на учениците од Петтата београдска гимназија им порачал дека, ако не им се допаѓа новата директорка, можат и да не одат во школа, бидејќи средното образование не било задолжително.

„Александре Вучиќ, вие сте денес само претседател на Ќацилед, што го поврдивте со пораката: ако не им се допаѓа вашата Dron Lady Danka, не треба ни да одат во училиште”, му напиша Никезиќ на Вучиќ.

— реклама —

Никезиќ на платформата Х поставува низа прашања, укажувајќи на проблеми во функционирањето на училиштето:

– дали учениците треба да престанат да одат на настава затоа што не се согласуваат со тоа што директорката отпуштила една третина од наставниците, поради што дневно се губат по два часа;

— реклама —

– дали треба да се откажат од училиштето ако сметаат дека е неприфатливо наставник по математика да чита решенија од мобилен телефон и да пишува „минус нула“;

— реклама —

– дали треба да го напуштат образованието затоа што директорката го укинала Советот на родители, матурската екскурзија и наградата за ученик на генерацијата;

– и дали е прифатливо директорката во работно време да гостува на таблоидни телевизиски канали.

— реклама —

Тој го прашува претседателот дали ваквата порака е достојна и примерена за земја која се соочува со недостиг на образование и од која секоја година околу 50.000 млади заминуваат во Европската унија во потрага по поквалитетни услови за живот.