Николоски од Охрид: Силна држава значи силни и независни институции, а не само силна извршна власт

Силните и независни институции се основа за стабилна и демократска држава, а нејзината сила не се мери само преку моќта на извршната власт. Ова го истакна вицепремиерот и министер за транспорт Александар Николоски на Форумот на уставни судови на Балканот, кој се одржува во Охрид.

— реклама —

Во своето обраќање, Николоски ја нагласи важноста на уставното судство во заштитата на уставниот поредок, основните права и слободи, како и во обезбедувањето владеење на правото.

Тој посочи дека Уставниот суд има незаменлива улога во демократското општество, особено во периоди на брзи политички, технолошки и општествени промени. Според него, институциите мора да бидат стабилни и отпорни, а нивната работа не смее да зависи од политичките промени.

— реклама —

Николоски нагласи дека независноста, професионалноста и интегритетот на уставните судии се клучни за зачувување на довербата во институциите. Тој додаде дека владеењето на правото не подразбира само донесување квалитетни одлуки, туку и нивно почитување и спроведување од страна на извршната и законодавната власт.

— реклама —

Осврнувајќи се на дигитализацијата и развојот на вештачката интелигенција, вицепремиерот оцени дека технологијата не може да ги замени човечкото знаење, експертизата и личното искуство во толкувањето и спроведувањето на Уставот и законите.

Тој се осврна и на поделбата на власта и потребата од меѓусебна контрола и институционална рамнотежа.

— реклама —

„Силна држава не значи само силна извршна власт, туку значи ограничена извршна власт, значи држава со силни и независни институции, институции коишто се надополнуваат и коишто се контролираат помеѓу себе“, порача Николоски.

На крајот од обраќањето истакна дека Владата останува посветена на функционирањето и надградувањето на системот на институционална рамнотежа и владеење на правото.