Николоски: Хрватска усвои закон за долгорочни визи за професионални возачи

Вицепремиерот и министер за транспорт Александар Николоски соопшти дека во Хрватска е усвоен закон со кој професионалните возачи ќе можат да добиваат долгорочни визи.

— реклама —

Според Николоски, станува збор за важен чекор во решавањето на проблемите што се појавија по воведувањето на системот EES во Шенген-зоната.

— реклама —

„Овој закон многу ќе им помогне на македонските професионални возачи“, напиша Николоски.

Тој посочи дека ова е реализација на договорот постигнат со хрватскиот вицепремиер и министер Олег Бутковиќ во јануари годинава.

— реклама —

Николоски додаде дека и Швајцарија веќе издава долгорочни визи за професионални возачи и изрази очекување дека и други европски држави ќе се приклучат на ваквиот модел.

— реклама —

„Продолжуваме кон конструктивни решенија за нашите професионални возачи“, порача Николоски.