Низ САД се планираат масовни протести против Трамп

Илјадници протести под слоганот „Нема кралеви“ се очекуваат денеска ширум Соединетите Американски Држави, насочени против политиките на претседателот Доналд Трамп и неговата администрација.

— реклама —

Организаторите најавуваат повеќе од 3.200 собири во сите 50 сојузни држави, со очекување дека станува збор за најголемите еднодневни демонстрации во историјата на земјата. Главните протести ќе се одржат во Њујорк, Лос Анџелес, Вашингтон и Минеаполис.

— реклама —

„Вистинското прашање на оваа мобилизација не е само колку луѓе протестираат, туку каде сè протестираат“, изјави коосновачката на организацијата Индивизибл, Леа Гринберг, која стои зад протестите.

— реклама —

Од Белата куќа, портпаролката Абигејл Џексон ги нарече протестите „терапевтски состаноци на пореметени антитрамповци“.

— реклама —

Претходните слични собири привлекоа милиони учесници и беа поттикнати од мерките на имиграциските власти и распоредувањето на Националната гарда во поголемите градови. Според организаторите, денешните протести се насочени и против американско-израелското бомбардирање на Иран.