Низа физички напади во Тетово и Гостивар: Приведени четири лица по тепачка

Полицијата во Тетово и Гостивар регистрирала повеќе случаи на физички напади во текот на 30 јуни, а во еден од инцидентите четири лица биле лишени од слобода по меѓусебна пресметка.

— реклама —

Од СВР Тетово информираат дека во 16:10 часот во Полициската станица Гостивар, Н.Д. (28) од Гостивар пријавил дека околу 14:05 часот, на улицата „Беличица“, додека како вработен во продавница за бела техника доставувал производ, бил физички нападнат од лицето на кое требало да му ја изврши испораката.

— реклама —

Истиот ден, во 14:10 часот, Т.Т. (47) од Тетово пријавил дека околу 13:20 часот, на крстосницата меѓу улиците „Видоје Смилевски Бато“ и „29 Ноември“, бил физички нападнат од едно лице.

Во уште еден случај, во 15:20 часот, Д.А. (42) од Тетово пријавил дека на улицата „Борис Кидрич“ бил физички нападнат од едно лице, кое употребило и дрвен предмет.

— реклама —

Околу 14:00 часот на улицата „29 Ноември“ во Тетово, полициски службеници ги лишиле од слобода Б.А. (28), Б.Б. (19) и Н.А. (21), а околу 16:00 часот бил приведен и И.Б. (20), поради меѓусебна физичка пресметка.

— реклама —

Полицијата презема мерки за целосно расчистување на сите случаи, а по нивното документирање ќе бидат поднесени соодветни поднесоци.