Низа инциденти на насилство во Гостиварско и околината

Повеќе одделни случаи на физички напади се пријавени во Полошкиот регион, информираат од СВР Тетово. Полицијата презема мерки за нивно целосно расчистување.

— реклама —

Според пријавата, А.О. (43) од село Градец навела дека на 18.04.2026 околу 21:30 часот била физички нападната од А.М. од Гостивар. Настанот, како што се наведува, се случил во стан по претходна расправија околу исплата за извршени работни задачи. Од полицијата информираат дека се преземаат мерки за расчистување на случајот.

— реклама —

— реклама —

Во друг случај, како што соопштува СВР Тетово, во Полициското одделение Теарце е пријавено дека Н.А. (66) од село Пршовце, во својство на претседател на месната заедница, бил физички нападнат од двајца сожители. Според пријавата, инцидентот се случил кај селскиот резервоар за вода, каде биле ангажирани работници за поправка на колекторите. И во овој случај се преземаат мерки за целосно расчистување.

Исто така, како што информира полицијата, во Полициското одделение Жеровјане е пријавен уште еден случај на физички напад, каде Б.И. (66) од село Жеровјане навел дека бил нападнат од 17-годишно лице од истото село. Од МВР велат дека се преземаат мерки за документирање на настанот.