Ноќна кражба во Чифлик: Влегол во куќа на иселеник од тетовско и украл автомобил

Полицијата трага по сторител кој со употреба на физичка сила и погоден алат провалил во куќа во тетовското село Чифлик и украл патничко возило.

— реклама —

Од СВР Тетово информираат дека на 11 јуни, околу 02:00 часот, било пријавено дека непознато лице насилно влегло во куќа во сопственост на Б.И. (34), кој привремено престојува во странство.

— реклама —

Според пријавата, сторителот по влегувањето во домот одзел патничко возило „БМВ“ со тетовски регистарски ознаки, по што го напуштил местото на настанот.

— реклама —

Увид на местото извршила увидна екипа од СВР Тетово, а полицијата презема мерки и активности за пронаоѓање на украденото возило и откривање на сторителот.

— реклама —

Истрагата за целосно расчистување на случајот е во тек.