Франција стави во карантин повеќе од 1.700 патници и членови на екипаж на крузер закотвен во Бордо, откако еден патник починал, а кај десетици лица биле забележани симптоми на норовирус.
Според здравствените власти, починал 90-годишен британски државјанин, додека околу 50 лица покажале симптоми на вирусот, пренесе „Дејли мејл“.
Крузерот на компанијата Ambassador Cruise Line пристигнал во Бордо во вторникот, а поголемиот дел од 1.233 патници биле од Велика Британија и Ирска.
Норовирусот е форма на гастроентеритис што предизвикува повраќање и дијареја и важи за многу заразен вирус.
Бродот испловил од Шетландските Острови на 6 мај, а претходно застанал во Белфаст, Ливерпул и Брест, пред да пристигне во Бордо, од каде што требало да продолжи кон Шпанија.
