Норвешка на почетокот на 2027 година ќе ја започне изградбата на првиот бродски тунел во светот, проект вреден околу 900 милиони евра, кој ќе овозможи пловидба низ полуостровот Стад.
Тунелот, долг 1,7 километри, ќе биде ископан низ карпите на најтесниот дел од полуостровот и ќе ги поврзе фјордовите Молдефјорден и Ванилвсфјорден на западниот брег на Норвешка.
Според проектот, тунелот ќе биде широк 36 метри и висок 50 метри од дното до таванот, со пловен профил висок 33 метри, што ќе овозможи низ него да минуваат и одредени крузери.
За неговата изградба ќе бидат ископани околу три милиони кубни метри карпа, а работите се очекува да траат околу пет години. По завршувањето, користењето на тунелот ќе биде бесплатно, при што предност при минувањето ќе имаат комерцијалните бродови, особено крузерите.
Преминувањето низ тунелот ќе трае околу десет минути, а пловните објекти ќе добиваат термини за минување по принцип сличен на оној што се применува за полетување на авионите.
Иако проценките покажуваат дека трошоците за изградба значително ќе ја надминат економската корист од проектот, норвешкиот парламент сепак даде зелено светло за неговата реализација. Владата двапати се обиде да го запре проектот, во 2025 и 2026 година, но не успеа да обезбеди доволна поддршка.
Кон крајот на јуни беше донесена одлука изведувач на проектот да биде норвешката компанија „АФ Групен“ (AF Gruppen).
