Норвешки државјанин неовластено влегол во касарната „Илинден“, тврди дека се изгубил следејќи координати

Дваесет и осумгодишен државјанин на Норвешка бил лишен од слобода во касарната „Илинден“ во Скопје поради сомнение за сторено кривично дело поврзано со неовластено влегување во воен објект.

— реклама —

Како што информира Министерството за внатрешни работи, на 14 јуни околу 15:30 часот полициски службеници го привеле Е.К.Т. (28) од Норвешка поради сомнение за сторено кривично дело по член 350 од Кривичниот законик – „неовластено влегување во воени објекти и правење скици или цртежи на воени објекти и борбени средства“.

— реклама —

— реклама —

Норвешкиот државјанин бил задржан во Полициската станица Карпош, каде што изјавил дека, следејќи координати на мапа, случајно влегол во кругот на касарната.

— реклама —

По целосното документирање на случајот, против него ќе биде поднесена соодветна пријава.