Норвешкиот фудбалски сојуз побара од Етичкиот комитет на ФИФА да ја истражи одлуката за доделување на Наградата за мир на американскиот претседател Доналд Трамп.
Претседателот на ФИФА, Џани Инфантино, му ја врачи првата ваква награда на Трамп за време на ждрепката за Светското првенство на 6 декември. ФИФА досега не објасни по кои критериуми американскиот претседател бил избран за прв добитник на признанието.
Неколку месеци подоцна, организацијата за човекови права FairSquare поднесе жалба до Етичкиот комитет на ФИФА, тврдејќи дека Инфантино ја прекршил обврската за политичка неутралност со поддршката на Трамп.
На иницијативата сега се приклучи и Норвешкиот фудбалски сојуз, кој побара Етичкиот комитет да утврди дали претседателот на ФИФА ги прекршил статутите на организацијата во делот на политичката неутралност, доделувањето на наградата и поврзаните активности.
Претседателката на Норвешкиот фудбалски сојуз, Лисе Клавенес, изјави дека сојузот самостојно се обратил до Етичкиот комитет.
„Добивме поддршка од други федерации, но ова писмо го испраќаме самостојно. Заклучивме дека нема корист од притисок врз други организации, бидејќи тоа само би создало дополнителни тензии“, изјави Клавенес.
