Во непосредна близина на комплексот „Џевахир Скај Сити“ во Општина Аеродром започна уредувањето на нова парковска површина од околу 3.000 квадратни метри.
На просторот во моментов се врши расчистување, а предвидено е тој да прерасне во парк со детско игралиште, пешачки патеки, урбана опрема и нови зелени површини.
Проектот предвидува и поставување систем за наводнување, како и целосно нови линии за осветлување.
Градоначалникот на Општина Аеродром, Дејан Митески, денеска изврши увид во активностите на терен.
Од Општина Аеродром упатија благодарност до компанијата „Џевахир“ за поддршката и соработката во реализацијата на проектот, со кој жителите ќе добијат нов простор за одмор, рекреација и дружење.
