Нови правила за издавање сместување од денес: казни до 8.000 евра во Хрватска

Хрватска од денеска воведува нов пакет мерки насочени кон сузбивање на сивата економија и работата „на црно“, при што за работодавачите што повторно ќе ги прекршат прописите се предвидени казни до 8.000 евра.

— реклама —

Во изминатиот период јавноста беше вознемирена од најавите дека од 1 јуни ќе биде задолжителен регистрациски број за секој апартман, соба или куќа за одмор што се огласува на платформи како Airbnb и Booking.com. Сепак, се покажа дека оваа мерка нема да се применува оваа туристичка сезона, бидејќи Хрватска сè уште го усогласува европскиот пропис со националното законодавство.

Реалната примена на новите правила за изнајмување сместување се очекува кон крајот на 2026 или почетокот на 2027 година, што значи дека сите резервации за летово остануваат непроменети.

— реклама —

Од друга страна, властите веќе подготвија построги мерки против нелегалното вработување. Според измените на Законот за сузбивање на работа на црно, инспекциските служби ќе имаат значително поголеми овластувања, а посебен надзор ќе се врши врз стотици компании што веќе се наоѓаат на таканаречената „црна листа“.

— реклама —

Работодавачите кои третпат во рок од три години ќе бидат фатени во прекршок ќе се соочат со казни до 8.000 евра, но и со дополнителни санкции. Меѓу нив е забрана за увоз на странска работна сила, губење на правото на државни субвенции и исклучување од мерките за вработување.

Паралелно со тоа, веќе се заострени и условите за сместување на странските работници. Новите правила предвидуваат минимален простор за сместување, ограничување на висината на закупнината, задолжителна документација за сместувањето, како и здравствени проверки за работниците кои првпат аплицираат за дозвола за работа.

— реклама —

Властите оценуваат дека мерките треба да обезбедат поправедна конкуренција на пазарот и подобра заштита на работниците.