СДСМ преку соопштение обвини дека предложениот министер за земјоделство Борче Серафимовски поседува соларна централа вредна околу три милиони евра и побара одговори дали постои можен судир на интереси.
Од опозициската партија тврдат дека, според јавно достапни информации, Серафимовски од минатата година е сопственик на фотонапонска централа за производство на електрична енергија.
Во соопштението СДСМ наведува дека дел од актуелните владини функционери имаат бизниси во енергетскиот сектор и оценува дека тоа отвора прашања за нивните интереси при извршувањето на јавните функции.
„Додека граѓаните се соочуваат со високи сметки за електрична енергија, оние што носат одлуки имаат директен финансиски интерес во производството на струја“, наведуваат од СДСМ.
Партијата исто така упати критики кон Владата, тврдејќи дека станува збор за, како што велат, „борба за позиции и бизнис во енергетскиот сектор“.
