Новиот шеф на кабинетот на Белата куќа: Трамп ја спаси Америка

Стивен Милер, еден од највлијателните и најконтроверзните соработници на американскиот претседател Доналд Трамп и главен творец на неговата строга имиграциска политика, е назначен за нов шеф на кабинетот на Белата куќа. Тој најави целосна лојалност кон претседателот, а должноста треба да ја преземе задутре.

— реклама —

Назначувањето доаѓа во период на зголемена загриженост дека администрацијата на Трамп дополнително ќе ја заостри имиграциската политика. Во првото јавно обраќање по објавувањето на одлуката, Милер го пофали претседателот, тврдејќи дека тој ги спасил САД, американската војска, економијата и границите од пропаст.

„Животна чест ми е да бидам шеф на кабинетот на претседателот Трамп. Ви ветувам апсолутна лојалност, непоколеблива посветеност и целосна заложба за Вашиот успех и успехот на оваа земја“, изјави Милер.

— реклама —

Неговото назначување предизвика реакции и меѓу демократите и кај дел од републиканците. Републиканскиот конгресмен од Индијана, Марлин Штуцман, го оцени потегот како „ужасна одлука“.

— реклама —

Републиканецот Дон Бејкон од Небраска, пак, изјави дека Милер ќе има непријателски односи со многумина. Според него, неговиот пристап придонел за губење гласови од шпанскојазичните гласачи во Тексас и Аризона, кои го поддржале Трамп на изборите во 2024 година.

Назначувањето следува по изборните порази на републиканците, кои загубија места во Сенатот, Претставничкиот дом и неколку гувернерски позиции. Дел од истакнатите републиканци како причини за резултатите ги посочија војната со Иран и царинската политика на Трамп.

— реклама —

Во меѓувреме, Трамп најави дека е можно да направи неколку промени во својот тим. Иако потврди дека има доверба во министерот за одбрана Пит Хегсет, неговата иднина на функцијата, според текстот, е предмет на неизвесност по изборните загуби на Републиканската партија.