Новиот врховен лидер на Иран во сенка: Мојтаба Хамнеи избегнува јавност

Новиот врховен лидер на Иран, Мојтаба Хамнеи, се наоѓа во земјата, но избегнува јавни настапи „од разбирливи причини“, пренесува рускиот медиум РТВИ, повикувајќи се на рускиот амбасадор во Техеран.

— реклама —

Мојтаба Хамнеи ја презеде улогата по смртта на неговиот татко, Али Хамнеи, кој, според овие информации, бил убиен во текот на војната што пред повеќе од еден месец ја започнале Израел и САД против Иран.

— реклама —

Во исто време, од американска страна доаѓаат информации дека новиот лидер бил ранет во конфликтот и дека неговата состојба е сериозна, со наводи дека е и физички обезличен. Овие тврдења засега не се официјално потврдени.

— реклама —

Според медиумски извештаи, кои исто така не се потврдени од официјални извори, Мојтаба Хамнеи извесен период се лекувал во Русија, земја која има блиски политички и воени односи со Иран и која минатата година потпиша договор за стратешко партнерство со Техеран.

Отсуството на јавни настапи на новиот врховен лидер дополнително ја засилува неизвесноста околу внатрешната стабилност на Иран по војната, како и прашањата за реалната состојба на неговото здравје и капацитетот да ја води државата во период на сериозна геополитичка криза.