Ново Лисиче добива систем за полевање долг 2,5 километри со над 300 прскалки

Ново Лисиче добива нов систем за полевање со кој треба да се подобри одржувањето на зелените површини во просторот спроти паркот „Авионче“, околу спортскиот терен „Никола Христовски – Кољо“.

— реклама —

Градоначалникот на Општина Аеродром, Дејан Митевски, извршил увид во тековните активности, при што информира дека станува збор за прв современ систем за полевање на оваа локација.

Системот ќе биде долг околу 2,5 километри и ќе опфаќа повеќе од 300 прскалки. Со него се очекува зеленилото да се полева редовно, рамномерно и поефикасно, што ќе придонесе за подобро одржување на тревниците и останатите зелени површини.

— реклама —

Просторот е меѓу почесто посетуваните места за рекреација во Ново Лисиче и секојдневно го користат деца, родители и други жители. Покрај спортскиот терен, во близина се наоѓа и детско игралиште.

— реклама —

Од Општина Аеродром посочуваат дека продолжуваат со вложувања во зеленилото и јавните простори, со цел да се создадат подобри услови за престој и рекреација на граѓаните.