Ново продолжение на истрагата за навивачкото насилство пред „Јане Сандански“: Обвинителството бара притвор за 20-годишник

Дете било повредено во пресметка меѓу навивачки групи пред спортскиот центар „Јане Сандански“ во Скопје, при што по удар во главата се онесвестило и паднало на земја.

— реклама —

Основното јавно обвинителство Скопје поведе постапка против 20-годишник осомничен за кривично дело насилство. Според обвинителството, во конфликтот пред влезот на спортскиот центар, осомничениот му задал удар во главата на дете од спротивната навивачка група.

— реклама —

— реклама —

Повреденото дете со контузија на главата било пренесено во Клиничкиот центар „Мајка Тереза“.

Поради опасност од бегство, можност за влијание врз сведоците и ризик од повторување на делото, јавниот обвинител предложил на осомничениот да му биде определен притвор.