„Обезбедени се бесплатни учебници во сите училишта во државата, продолжуваме и понатаму да вложуваме за нашите најмили“, рече Мицкоски

Премиерот Христијан Мицкоски денеска изјави дека сите ученици во државата на почетокот на новата учебна година имаат обезбедено бесплатни учебници, нагласувајќи дека Владата паралелно инвестира и во подобрување на условите во училиштата.

— реклама —

При посетата на Општина Бутел, Мицкоски посочи дека пред три години навремено обезбедени учебници било тешко замисливо, додека денес, како што рече, тие се достапни во сите училишта.

— реклама —

„Во сите училишта во државата се обезбедени бесплатни учебници за сите ученици. До пред три години тоа беше невозможно, учениците чекаа и по половина учебна година“, рече Мицкоски.

— реклама —

Тој додаде дека вложувањата во образованието не се ограничуваат само на учебниците. Во тек се реконструкции и доградби на училишта, а се градат и нови спортски сали и базени.

„Над 50 објекти, можеби и повеќе низ државата, се реконструираат. Дали е тоа доволно? Не е. Дали треба повеќе? Треба. Но, за две години не можеме да поправиме нешто што 35 години системски било уништувано“, истакна премиерот.