Облачно и ветровито време, температурите до 14 степени

Според информациите од Управа за хидрометеоролошки работи, денеска во земјава преовладува претежно облачно време, со повремени слаби врнежи од дожд во западните делови и умерен до засилен ветер од североисточен правец.

— реклама —

Максималната температура е измерена од -2 степени на Попова Шапка до 14 степени во Демир Капија и Гевгелија. Во Скопје се измерени до 13 степени, додека во повеќе градови температурите се движеа меѓу 8 и 13 степени. На Попова Шапка има снежна покривка од 59 сантиметри.

— реклама —

До крајот на денот и во текот на ноќта времето ќе остане претежно облачно со умерен северозападен ветер.

— реклама —

Утре се очекува променливо облачно време со сончеви периоди и умерен, повремено засилен ветер од северен правец. Минималните температури ќе се движат од -2 до 3 степени, а максималните од 8 до 16 степени. Во Скопје температурата ќе се спушти до 2, а дневната ќе достигне до 15 степени.

— реклама —

Во наредните денови ќе продолжи период на променливо облачно време со ветер од северен правец, а во понеделник се можни услови за слаби врнежи од дожд.