СВР Куманово поднесе кривична пријава против Д.С. (38) од село во Општина Старо Нагоричане поради сомнение дека сторил кривично дело „присвојување на добра под привремена заштита или културно наследство или природна реткост“.
Според Министерството за внатрешни работи, пријавениот противправно присвоил керамички сад – питос, кој претставува предмет од културното наследство, од археолошкиот локалитет „Муталово“ во атарот на селото Алгуња, Општина Старо Нагоричане.
Како што информира МВР, археолошкиот предмет го чувал во својот дом, по што против него е поднесена соодветна кривична пријава.
