Од расправија на социјални мрежи до тепачка и пукање во двор во тетовско

СВР Тетово информира за серија поврзани инциденти што започнале со физички напад, а ескалирале со употреба на огнено оружје во тетовско.

— реклама —

Според пријавата, на 5 мај околу пладне, на регионалниот пат Тетово–Јажинце, 31-годишен жител на село Стримница бил физички нападнат од три лица, по претходно недоразбирање на социјални мрежи. Нападнатиот се здобил со повреди кои му биле констатирани во Клиничкиот центар во Тетово.

— реклама —

Двајца од осомничените, меѓу кои и едно малолетно лице, подоцна сами се пријавиле во полициска станица. По разговор во присуство на родител и адвокат, малолетникот бил пуштен, додека 25-годишниот напаѓач бил лишен од слобода и задржан во полициска станица. За третото лице се преземаат мерки.

— реклама —

Инцидентот добил дополнителна тежина неколку часа подоцна, кога сопругата на нападнатиот пријавила дека во нивниот двор во Стримница дошле две маскирани лица со мотоцикл и испукале истрели од огнено оружје, по што избегале.

— реклама —

Полицијата работи на идентификување и пронаоѓање на сторителите, како и на целосно расчистување на сите околности поврзани со случајот.