Од утре нема плаќање во готовина во автобусите во Кавадарци – билет со КА-карта или платежна картичка

Од утре патниците во градскиот и приградскиот превоз во Кавадарци ќе можат да го платат билетот само безготовински. ЈП „Градски превоз“ – Кавадарци информира дека готовина повеќе нема да се прима во автобусите.

— реклама —

Плаќањето ќе се врши со КА-карта или со платежна картичка Visa или Mastercard, преку бесконтактно плаќање директно во автобусот.

— реклама —

Од претпријатието информираат дека официјални места за продажба и надополнување кредит на КА-картите се Инфо-центарот на Градскиот плоштад, „Браво нутс“ кај старата автобуска станица, „Мар – Пет Макарена – Ваташа“ и ДМД ОИЛ Глишиќ.

— реклама —

Дополнително, до 31 декември 2026 година, при секое купување КА-карта со минимален кредит од 300 денари, првото возење е бесплатно.

За повеќе информации, граѓаните може да се обратат во Инфо-центарот или на телефонскиот број 043 400 417.