Одговорниот за „добро владеење“ во Владата, Фетаи не работи, а се шета по светот со вицепремиерска плата

Министерот за „добро владеење“, Фетаи не оди на работа, зема плата и си се шета по светот

Вицепремиерот за добро владеење и транспарентност, Арбен Фетаи повеќе од еден месец не се нема појавено на седница на Владата, но затоа редовно на неговата сметка му легнува плата, која за македонски услови е и повеќе од висока.

Тој официјално не е разрешен, а се откри самиот, објавувајќи фотографија за која вели дека е направена во Бангкок, на далечниот Тајланд.

Тој подолго време не се појавил во јавноста, а не одговара на повиците и новинарските прашања за тоа зошто не оди на работа, а прима плата.

Фетаи беше дел од крилото на поранешниот министер за здравство, Арбен Таравари, но остана во кабинетот кога Таравари минатата година ја напушти Владата и премина во опозиција. Со него остана и Азир Алиу, кој од информатичар седна во министерската фотелја во здравство.

Премиерот Мицковски призна дека Фетаи не доаѓа на работа, но и дека му се доверил дека не му е предизвик Владата, а себеси се гледа во приватни бизниси. Мицкоски навести дека ќе му понудел да го ангажира за други работи.

До најавената реконструкција на Владата, најавена за крајот на мај или почетокот на јуни, Фетаи ќе шета по светот со вицепремиерска плата.