Огнена стихија на Хвар: Зафатени вили и лозја, пожарникарите водат битка со пламените

Голем пожар избувна на островот Хвар во Хрватска, на подрачјето меѓу Јагодна и Иван Долац, по што беше покрената обемна акција за негово гаснење. На терен се распоредени бројни пожарникари, а во интервенцијата од воздух се вклучени и четири авиони „канадер“.

— реклама —

Во гаснењето учествуваат екипи од доброволните противпожарни друштва од Хвар, Јелса и Стари Град, кои се обидуваат да спречат огнот да се прошири кон населените места.

— реклама —

Според првичните информации, пламените јазици зафатиле делови од неколку вили и лозови насади, при што е причинета материјална штета.

— реклама —

Од Оперативната противпожарна команда во Дивуље предупредуваат дека најавеното засилување на ветерот може дополнително да ја искомплицира состојбата и да го забрза ширењето на пожарот.

— реклама —

И покрај сериозната ситуација, според последните информации, пожарникарите успеале да ги заштитат станбените објекти, а акцијата за целосно локализирање на пожарот продолжува.