ОЈО отвори постапка против виш јавен обвинител од Битола осомничен за влијание врз обвинители и судии во најмалку четири предмети

Основното јавно обвинителство за гонење на организиран криминал и корупција поведе постапка против виш јавен обвинител од Вишото јавно обвинителство во Битола поради сомнение дека сторил кривично дело „Примање награда за противзаконито влијание“.

— реклама —

Според Обвинителството, во претходниот период биле преземени повеќе дејствија и биле применети посебни истражни мерки, при што биле обезбедени докази што упатуваат на основано сомнение дека обвинителот ја користел својата службена положба и реалното влијание за да влијае врз одлучувањето на други јавни обвинители и судии.

Сомненијата се однесуваат на најмалку четири одделни предмети на подрачјето каде што ја извршувал својата функција. Според наводите на Обвинителството, тој ургирал за изрекување пониски казни или за обезбедување поповолна положба за осомничени или обвинети лица во кривични постапки.

— реклама —

Во текот на вчерашниот ден, по судска наредба, биле извршени претреси во домот на осомничениот, како и во просториите на ВЈО Битола. Целта на претресите била обезбедување дополнителни докази поврзани со случајот.

— реклама —

Надлежниот јавен обвинител продолжува со испитување на наводите и доказите во предметот. До судијата на претходна постапка е доставен и предлог за определување мерки на претпазливост за осомничениот.

Предложените мерки опфаќаат одземање на патната исправа и забрана за преземање определени работни активности, односно негово оддалечување од работното место.

— реклама —

Нов потрес во правосудството: Приведен обвинител од Вишото обвинителство во Битола поради враќање на пасош на бизнисмен

Обвинител од Вишото јавно обвинителство во Битола вечерва бил лишен од слобода од полицијата во Прилеп, дознава „Скопје1“ од неофицијални извори.Според првичните информации, приведувањето наводно е поврзано со постапувањето околу враќањето на пасошот на битолскиот бизнисмен Борче Марковски.Во јуни обвинител од Основното јавно обвинителство Струга дал негативно мислење за барањето на одбраната на Марковски да му биде вратена патната исправа. По ново барање на одбраната, предметот бил доставен до

Македонија | пред 16 часа