Масовниот влез на околу 80.000 мигранти од Мароко во шпанската енклава Сеута претставувал „хибриден напад“ врз надворешната граница на Европската Унија, оцени поранешната шпанска министерка за надворешни работи Аранча Гонзалес Лаја.
Таа смета дека целта била миграцијата да се искористи како политичка алатка за ослабување на Европската Унија во период кога миграцијата претставува особено чувствително општествено прашање. Нејзините изјави ги пренесува „Еуроњуз“.
Прашањето за можна вмешаност на Рабат во организирањето на масовниот премин на границата се отвори откако во јавноста се појавија полициски извештаи во кои се наведува дека мароканските безбедносни сили можеби помогнале во овозможувањето на инцидентот.
И покрај овие наводи, шпанскиот премиер Педро Санчез застана во одбрана на Мароко.
Гонзалес Лаја смета дека Шпанија и Европската Унија треба да се стремат кон одржување на „најдобри можни односи со своите соседи“. Според неа, добрите односи со соседните земји се важни за стабилноста на Европа.
