Во раните утрински часови денеска избувнал пожар во продажен објект – фурна на подрачјето на Бит Пазар во Скопје.
Според информациите од Министерството за внатрешни работи, на 29 јуни околу 03:35 часот во СВР Скопје било пријавено дека е опожарена фурна на подрачјето на Бит Пазар.
Пожарот бил локализиран од страна на сопственикот на објектот, а според првичните информации нема повредени лица.
Увид на местото на настанот ќе биде извршен во текот на денот, по што ќе бидат познати повеќе детали за причините за избувнувањето на пожарот.
