Опожарени две возила во Чаир, пожарот зафатил и трето возило

Две патнички возила целосно, а едно делумно биле зафатени во пожар што ноќеска избувнал на подрачјето на Чаир во Скопје.

— реклама —

Како што информира Министерството за внатрешни работи, на 25 јуни 2026 година околу 02:20 часот во СВР Скопје, А.А. (42) од Скопје пријавил дека биле опожарени неговото патничко возило „фолксваген пасат“ со скопски регистарски ознаки и патничко возило „мерцедес“ со велешки регистарски ознаки, сопственост на М.М.

— реклама —

Од пожарот делумно било зафатено и патничко возило „ланд ровер“ со скопски регистарски ознаки, сопственост на А.Р.

— реклама —

Пожарот бил изгаснат од екипи на Бригадата за противпожарна заштита на Град Скопје, а во инцидентот нема повредени лица.

— реклама —

Увид на местото извршила полициска екипа, а се преземаат мерки за целосно расчистување на случајот.