Опожарено возило на паркинг на Бит Пазар

Педесет и деветгодишен жител на Скопје пријавил во полиција дека му било запалено возилото на паркинг простор на подрачјето на Бит Пазар.

— реклама —

Од Министерството за внатрешни работи информираат дека случајот бил пријавен на 28 мај 2026 година во 02:53 часот во СВР Скопје.

— реклама —

Според пријавата, било запалено задното десно тркало од патничко возило „цитроен берлинго“ со скопски регистарски ознаки.

Полициски службеници излегле на местото и констатирале дека со запалива течност била посипана задната десна страна од возилото, при што било опожарено тркалото.

— реклама —

Пожарот бил изгаснат од соседите пред да се прошири на останатиот дел од возилото.

Од МВР соопштија дека се преземаат мерки за расчистување на случајот.