„Опозицијата го кочи напредокот на реформската агенда, преку блокирање на работната група за Изборниот законик“ , вели Мицкоски

Премиерот Христијан Мицкоски денеска изјави дека Владата останува оптимист дека ќе ја реализира реформската агенда, но оцени дека опозицијата го кочи процесот преку блокирање на работната група за Изборен законик.

— реклама —

Одговарајќи на новинарско прашање, Мицкоски рече дека на средбата со Герт Јан Копман било оценето дека од десетте обврски во рамки на грејс-периодот, Владата може да испорача „девет и пол, а можеби и десет“.

— реклама —

Според него, еден од чекорите зависи од учеството на опозицијата, конкретно во делот на Изборниот законик.

„Се надевам дека таму разумот ќе преовладее, дека ќе се вратат во работната група и ќе го усвоиме сите заедно овој реформски закон“, изјави Мицкоски.

— реклама —

Тој додаде дека реформите не се сведуваат само на уставни измени, туку опфаќаат и други, како што рече, „посуштински работи“ што треба да се реализираат на европскиот пат.

— реклама —

Во изјавата, премиерот упати критики и кон раководството на СДСМ, оценувајќи дека наместо да работи на реформите, се фокусира исклучиво на прашањето за уставните измени.