Орбан до новата власт во Унгарија: Мора да разберете една работа

Поранешниот унгарски премиер Виктор Орбан испрати порака до новата власт во Унгарија, предупредувајќи дека земјата не смее да се откаже од својот „патриотски став“ и националниот суверенитет во односите со Брисел.

— реклама —

„Новите луѓе мора многу јасно да разберат една работа: ако не се борите за Унгарија во Брисел, бриселските бирократи ќе ве прегазат. Откажувањето од нашиот патриотски став и предавањето на националниот суверенитет поради пари или политичко одобрување би било историска грешка“, напиша Орбан на социјалната мрежа Икс.

Неговата реакција доаѓа ден по положувањето заклетва на новиот унгарски премиер Петер Маѓар, кој речиси еден месец по изборната победа официјално ја презеде функцијата.

— реклама —

„Нема да владеам со Унгарија, туку ќе ѝ служам на својата држава“, порача Маѓар по заклетвата во парламентот.

— реклама —

Неговата партија Тиса освои 141 од вкупно 199 пратенички места, со што стави крај на 16-годишното владеење на Орбан и неговата партија Фидес.

Фидес од 135 пратенички места падна на 52, а дел од медиумите наведуваат дека партијата покажува знаци на внатрешен распад. Орбан и неколку клучни луѓе од Фидес одлучиле да не ги преземат своите пратенички мандати.

— реклама —

Во меѓувреме, во јавноста се појавуваат нови обвинувања за корупција против Фидес, додека Маѓар најавува „промена на системот“, а не само промена на власта.