Орбан попушти: Во ЕУ е постигнат договор за 50 милијарди евра помош на Украина

Чарлс Мишел, претседателот на Европскиот совет, објави дека е постигнат договор за 50 милијарди евра помош за Украина.

— реклама —

„Сите 27 лидери се согласија“, рече тој, додавајќи дека „со ова се заклучува стабилно, долгорочно, предвидливо финансирање за Украина“.

— реклама —

https://x.com/CharlesMichel/status/1753001809268920719?s=20

Според британски Гардијан, повикувајќи се на текстот до кој имале пристап, лидерите се согласиле за следниот текст:

— реклама —

„Врз основа на годишниот извештај на Комисијата за имплементација на Инструментот за Украина, Европскиот совет секоја година ќе одржува дебата за спроведувањето на Инструментот со цел да даде насоки. Доколку е потребно, за две години Европскиот совет ќе ја покани Комисијата да даде предлог за ревизија во контекст на новиот МФР“.

— реклама —

Потсетуваме дека единствената членка на ЕУ која се спротивстави на пакетот помош за Украина беше Унгарија. Премиерот на таа земја, Виктор Орбан, досега ја блокираше одлуката за Украина и понуди да ги подели одобрените средства на годишни транши, со што Будимпешта ќе има можност секоја година да бара отстапки за да избегне вето.