Оревите се меѓу најздравите јаткасти плодови: Добри се за срцето и холестеролот

Високиот холестерол е поврзан со сериозни здравствени состојби, како што се срцеви заболувања и мозочен удар, а кај многу луѓе може со години да не предизвикува никакви симптоми.

— реклама —

Нутриционистката Сара Шенкер препорачува секојдневно консумирање ореви, истакнувајќи дека тие се единствени меѓу јаткастите плодови поради високата содржина на омега-3 масната киселина алфа-линоленска киселина (ALA).

— реклама —

Според неа, една шака ореви, односно околу 30 грама или приближно 10 цели ореви, содржи околу три грама од оваа есенцијална масна киселина, како и речиси пет грама протеини и два грама растителни влакна.

— реклама —

Освен тоа, оревите се богат извор на витамини Б1 и Б6, фолна киселина, витамин Е, магнезиум, фосфор, калиум, железо, цинк и антиоксиданси, кои најмногу се наоѓаат во тенката кафеава лушпа што го обвива јадрото.

Шенкер додава дека редовното консумирање ореви не само што може да придонесе за подобро здравје на срцето, туку се поврзува и со помал ризик од одредени видови рак, подобра контрола на дијабетесот, поздрави црева и полесно одржување на телесната тежина, бидејќи влијае на делот од мозокот задолжен за чувството на глад.