Оружје пронајдено во кампер на Табановце: уапсен 62-годишен државјанин на Австрија

Австриски државјанин бил лишен од слобода на граничниот премин Табановце откако при гранична контрола во неговото возило било пронајдено оружје и муниција.

— реклама —

Според информациите од Министерството за внатрешни работи, на 7 октомври во 18 часот, на влез во државата, полициски службеници го лишиле од слобода П.Р. (62) од Австрија.

— реклама —

При преглед на кампер „Фиат“ со приколка и австриски национални ознаки, кој го управувал 62-годишникот, биле пронајдени и одземени еден гасен пиштол, еден револвер, пакување со 90 дијаболи и пакување со 22 иницијативни каписли.

— реклама —

За случајот бил известен јавен обвинител, а лицето било предадено на полициски службеници од СВР Куманово.

Од МВР информираат дека по целосното документирање на случајот ќе биде поднесена соодветна пријава.