„Оставка, предавници, затвор“: Демонстранти во Софија бараат оставка од Јотова и Радев

Демонстранти се собраа пред зградата на бугарската влада во Софија, барајќи оставки од претседателката Илијана Јотова и премиерот Румен Радев поради нивниот однос кон инцидентите со бродови погодени и потонати од беспилотни летала во бугарската економска поморска зона.

— реклама —

— реклама —

Според учесниците на мирниот протест, претседателката и премиерот не успеваат соодветно да се справат со ситуацијата. Тие тврдат дека станува збор за руски напади, за кои, како што велат, знае цела Европа, но бугарското раководство се преправа дека не е запознаено со тоа.

— реклама —

Како што објави БТА, демонстрантите пред владината зграда скандирале „оставка“, „предавници“ и „затвор“, повикувајќи ги Јотова и Радев да преземат одговорност.