Осум пријави за семејно насилство за едно деноноќие, приведени пет лица

Министерството за внатрешни работи информира дека во изминатото деноноќие на подрачјето на државата се евидентирани осум случаи на семејно насилство, при што пет лица биле лишени од слобода.

Во Куманово бил приведен 42-годишен маж, кој според пријавата психички и физички ја малтретирал сопругата со која е во бракоразводна постапка.

— реклама —

Во Скопје, на подрачјето на Бит Пазар, полициски службеници привеле 40-годишен маж, осомничен дека физички ја нападнал својата 35-годишна сопруга.

— реклама —

Во Македонска Каменица бил лишен од слобода 59-годишен маж, поради сомнение дека физички ја нападнал својата 56-годишна сопруга, додека во Штип бил приведен 50-годишник, пријавен за физички напад врз неговата 43-годишна сопруга.

Во Свети Николе, полицијата привела 53-годишен маж, кој според пријавата физички ги нападнал својата сопруга и нивната ќерка.

— реклама —

Покрај приведувањата, во Скопје 35-годишен маж пријавил дека неговата поранешна вонбрачна партнерка психички го малтретирала нивниот малолетен син.

— реклама —

Во Гостивар, 41-годишна жена пријавила дека била физички нападната од сопругот, а во Кочани било пријавено дека 81-годишен маж подолг период бил физички и психички малтретиран од својот син, кој го избркал од домот и му ги задржал личните документи.

Од МВР информираат дека за сите случаи се преземаат мерки за нивно целосно расчистување, а по документирањето ќе бидат поднесени соодветни пријави.