Осум возачи приведени за безобѕирно управување, четворица немале возачка дозвола

Осум возачи биле лишени од слобода во текот на изминатото деноноќие поради безобѕирно управување со возило, информира МВР.

— реклама —

Четворица од нив управувале возила без положен возачки испит. Станува збор за А.Р. (18), Б.Р. (26) и Б.К. (33), сите од Скопје, како и А.Ш. (24) од Мала Речица, тетовско.

— реклама —

— реклама —

Другите двајца возачи, Е.Ј. (61) од Виница и В.П. (61) од Гевгелија, возеле под дејство на алкохол, додека В.Ж. (57) и 36-годишната Н.З., двајцата од Србија, управувале патнички возила со значително поголема брзина од дозволената.

— реклама —

Против осумте возачи, по целосното документирање на случаите, ќе бидат поднесени соодветни кривични пријави.