(Видео) Отпуштени 371 лицe од Комунална хигиена!

Новата градска администрација започна со чистење и во институциите — градоначалникот на Скопје, Орце Ѓорѓиевски, денеска соопшти дека од ЈП „Комунална хигиена – Скопје“ се отпуштени 371 работник кои, според утврдените податоци, со години примале плата без да се појавуваат на работа.

— реклама —

„Тоа се луѓе кои сите ние, скопјани, ги плаќаме со години наназад, а не оделе на работа, а земале плата. Во минатото се правеа драми дека се постапува, дека некој се брка, но во суштина се правела само замена. Во овој систем, секој што врши злоупотреби, ќе биде отстранет,“ изјави Ѓорѓиевски.

— реклама —

View this post on Instagram

Тој додаде дека се спроведува темелна ревизија на јавните претпријатија, при што е утврдено дека над 800 вработени навистина извршувале работни задачи, додека останатите биле фиктивно пријавени.

— реклама —

„Овде имате над 800 работници од јавните претпријатија кои редовно оделе на работа. Но, имате и такви кои со месеци, па и години, земале плата без да се појават. На тоа му дојде крај,“ нагласи градоначалникот.

Со ова, акцијата за реорганизација и одговорност во градските претпријатија, најавена од Ѓорѓиевски уште првиот ден од стапување на функцијата, влегува во полна сила.