Отстранета нелегалната конструкција на улицата „Даме Груев“ во Центар, пешачката патека повторно слободна

Општина Центар ја отстрани металната конструкција поставена на улицата „Даме Груев“, во близина на слаткарницата „Малага“, со што пешачката патека повторно е ослободена и достапна за непречено движење.

— реклама —

Конструкцијата, која претходно служела како тераса, зафаќала дел од пешачката зона и го отежнувала движењето на граѓаните.

— реклама —

— реклама —

„Го расчистивме просторот и го вративме на пешаците, на кои им припаѓа. Јавните површини мора да бидат слободни и достапни за сите“, изјави градоначалникот на Општина Центар, Горан Герасимовски.

Од Општина Центар посочуваат дека продолжуваат со инспекциски контроли и отстранување на бесправно поставени конструкции и објекти, со цел заштита на јавниот простор и обезбедување непречено движење за граѓаните.