Отворени избирачките места во Косово, право на глас имаат над два милиони граѓани

Во Косово денеска се одржуваат вонредни парламентарни избори, распишани откако пратениците не успеаја во предвидениот рок да изберат нов претседател на парламентот.

— реклама —

Избирачките места беа отворени во 7 часот, а гласањето ќе трае до 19 часот. Според податоците на Централната изборна комисија, право на глас имаат 2.092.174 избирачи.

— реклама —

Изборите се одржуваат во 949 избирачки центри со вкупно 2.550 избирачки места. Во изборната трка учествуваат три коалиции, 17 политички партии и еден независен кандидат.

— реклама —

Парламентот на Косово брои 120 пратенички места. Од нив, 100 се резервирани за партии од албанската заедница, 10 места се загарантирани за српската заедница, а уште 10 за другите немнозински заедници – Роми, Ашкалии, Египќани, Бошњаци, Турци и Горанци.

— реклама —

Ова се трети парламентарни избори на Косово во период пократок од 16 месеци.