Овозможил фирми со години да користат општински простор без надомест, кривична за поранешен градоначалник на Дебрца

Поранешниот градоначалник на Општина Дебрца, З.Н. (60) од селото Волино, се соочува со кривична пријава поради сомнение за сторено кривично дело „несовесно работење во службата“, соопшти Министерството за внатрешни работи.

— реклама —

Како што информираат од СВР Охрид, пријавениот во периодот додека ја извршувал функцијата градоначалник, со несовесно постапување и пропуштање на должен надзор, овозможил повеќе правни субјекти да вршат трговска дејност во деловен објект сопственост на Општина Дебрца, лоциран на катастарска парцела во селото Волино, без притоа да имаат склучено договори и без да плаќаат надоместок во општинскиот буџет.

— реклама —

Според полицијата, ваквата состојба траела во периодот од 2017 до 2025 година, иако пријавениот, согласно Статутот на општината, бил должен да управува со општинскиот имот и да обезбеди негово користење во согласност со законските прописи.

— реклама —

Со ваквото постапување, според МВР, била предизвикана значителна материјална штета на Општина Дебрца.

— реклама —

По целосното документирање на случајот, против поранешниот градоначалник е поднесена соодветна кривична пријава.