Охриѓанец приведен за кражба на телефон, напад на полицајци и дрога

Од МВР информираат дека полициски службеници од СВР Охрид го лишиле од слобода Б.П.(39) од Охрид, поради сомнение дека со употреба на сила одзел мобилен телефон од 28-годишна државјанка на Германија.

— реклама —

Според полицијата, настанот се случил на улицата „Илинденска“ во Охрид во периодот од 12:30 до 13:30 часот.

— реклама —

Откако бил приведен во Полициската станица Охрид, осомничениот физички нападнал полициски службеници кои вршеле службени дејствија и се обидел да избега, но бил совладан и задржан.

— реклама —

Подоцна, со судска наредба, бил извршен претрес во неговиот дом и помошни простории, при што биле пронајдени и одземени марихуана, дигитална вага, дробилка, семки и стебло од канабис, како и предмети погодни за одгледување на растението.

По целосно документирање на случајот, во координација со јавен обвинител, против него ќе бидат поднесени соодветни пријави.