„Претрес“ за судењата, сведоците, правдата: Сопругата на Андреј од ДНК и таткото на Диме за „Пулс“

АНКСИОЗНОСТ

Анксиозноста поврзана и со мигрена, депресија и хронична болка, покажува нова студија

Научници од Кралскиот колеџ во Лондон и Австралискиот медицински истражувачки институт „Кимр Бергхофер“ идентификуваа 74 генетски варијанти поврзани со анксиозните нарушувања, од кои дури 39 досега никогаш не биле поврзувани со оваа состојба.Станува збор за најголемата студија од ваков вид досега, спроведена врз речиси 700.000 лица, чии резултати беа објавени во научното списание „Nature Human Behaviour“.Истражувачите наведуваат дека новите сознанија овозможуваат подобро разбирање на генетската основа на анксиозните нарушувања, но и на начинот на кој генетските фактори комуницираат со животните искуства и општествениот контекст.Голем дел од идентификуваните гени се особено активни во мозокот и имаат важна улога во комуникацијата меѓу нервните клетки.Студијата покажала и генетска поврзаност меѓу анксиозноста и други ментални и физички состојби, како што се депресијата, синдромот на иритабилно дебело црево, хроничната болка, коронарната артериска болест, ендометриозата и мигрената.Главната авторка на истражувањето, Британи Мичел од Австралискиот институт, истакна дека овие поврзаности ја нагласуваат тесната врска меѓу менталното и физичкото здравје и отвораат нови прашања за идните научни истражувања.„Важно е да се нагласи дека лице со висок генетски ризик не мора да развие анксиозност, исто како што и лице со низок генетски ризик може да се соочи со ова нарушување. Но, разбирањето на овој ризик може да помогне во идентификување на луѓето кои се најчувствителни на влијанијата од околината и да придонесе за поефикасни стратегии за превенција и лекување“, заклучи Мичел.

Магазин | пред 3 дена

(Видео) „Анксиозни торбички“ стануваат нов тренд меѓу генерацијата З за справување со напади на паника

Таканаречените „анксиозни торбички“ се најновиот тренд меѓу генерацијата З за справување со напади на паника, пишува New York Post.Станува збор за мали, однапред подготвени комплети со предмети за смирување кои корисниците ги носат со себе за да помогнат во моменти на силна анксиозност или паника.Една од нив е 22-годишната Хана Фоулс од американската држава Јута, која изјавила дека по напорен ден на работа доживеала силен напад на паника дома, со стегање во градите и забрзани мисли. Таа користела своја „торбичка за смирување“ составена со помош на терапевт, во која имало лекови, ладен облог, мали сензорни предмети и уред за ладење, по што успеала да се смири за околу десет минути.Слични искуства споделуваат и други млади лица од САД, кои во своите комплети вклучуваат предмети како етерични масла, ментол бонбони, фиџет играчки, слушалки за намалување на бучавата и бележници за запишување мисли.Стручњаците објаснуваат дека овие предмети функционираат преку стимулирање на сетилата и пренасочување на вниманието од анксиозни мисловни циклуси кон конкретни физички сензации, што може да помогне во смирување во акутни ситуации.Сепак, психијатрите предупредуваат дека овие алатки не ја решаваат основната анксиозност, туку служат како привремена поддршка, додека долгорочниот третман останува психотерапијата и, во одредени случаи, медикацијата.И покрај тоа, трендот брзо се шири на социјалните мрежи, каде што младите го опишуваат како практичен начин за враќање на чувството на контрола во моменти на психолошка криза.

Магазин | пред 1 месец